Les mots surlignés font l'objet d'une note
1Reçue à Manas, le 12 juillet 1573. Répondue le 18 juillet 1573.
2Monsieur de Gordes, monsieur le roy de Pollongne ma escript que il a, suivant mes mandementz,
3restirez par plusieurs et diverses foys soubz mon bon plaisir, accordé avecques ceulx
4de La Rochelle certains articles quil ma envoyez, lesquelz mont semblé si raisonnables,
5attendu lextresme desir que jay de remectre mon royaulme en repoz et deslivré mes
6subgectz des pauvretés et ruines de la guerre, que jay faict dresser incontinant mon
7eedict de paciffication, lequel je luy envoye presentement ; et encores que lesdits de La
8Rochelle, avecques les depputez de Montaubain ayent supplyé le semblable estre
9accordé pour tous mes subgectz qui ont prins les armes pour mesme cause que eulx
10et tout ceulx qui sont de leur oppinion ; toutesfois, nestant si bien asseuré
11que je deireroys quilz sen contantent jacoys que jen aye bonne esperance pour
12estre si raisonnables quilz sont. Jescriptz à mondit frère vous advertir comme
13vous aurez à vous gouverner et ce que vous aurez à faire ; au moyen de quoy, je
14vous prye, sitost quil vous aura faict scavoir mon intention, la suivre
15et executer ; et ce pendant, ne laisser prandre par della aucun avantaige sur vous,
16ains vous tenez tousjours le plus fort que vous pourrés, pour en ung besoing,
17contraindre par la force daccepter ma loy ceulx que ne vouldront amiablement
18sy ranger, pryant Dieu, monsieur de Gordes, vous avoir en sa garde. Escript
19au château de Boullongne, le Vie jour de juillet 1573.
20Charles
21Monsieur de Gordes, je ne laisseray descrire au sieur de Mandelot quil
22vous secoure et assiste des forces du ban et arrièreban de Lyonnois
23se vous en avez besoing. Demain ie luy en feray une lettre, mais ie
24desirerois ne charger mon peuple de cette levée, sinon quil en fust
25très grande et urgente necessité en ce cas, doncques vous advertirés ledit
26sieur de Mandelot de ce quil devra faire. Ie suis [papier déchiré : contant ?] que mon
27oncle, le duc de Savoye, vous ayt secouru de cette [papier déchiré : permission ?] de lever
28cent chevaux legers dedant ses terres. Jespère [papier déchiré] ne vous
29servira longuement, toutesfoys, cest prud[papier déchiré] faut de se
30tenir fort et nestre subget à la disc[retion] dautruy.
31Charles
32De Neufville